提起波點（Polka dots），就會想到草間彌生、Comme des Garcons，以至小鳳姐的巨型波點裙。那密密麻麻、排列工整的圓點，包含了無限可能，一時復古可愛，一時edge詭異。2016秋冬，波點成為hit trend異軍，Marc Jacobs、DG、MSGM等，都波點無限。
巨型大波點視效上比較霸道，loud且個性十足。在剪裁上略花心思，已非常有舞台效果，Johanna Ortiz近季以復古女性化cutting、off shoulder、層層叠叠裙腳，又或高腰闊褲帶出retro味；Marc Jacobs則反轉黑白大小的波點，edge又dramatic。 細小的圓點相對比較易carry，含蓄個性也包容性強，和近季當打的文青花邊blouse正好絕配。新季Saint Laurent、Dolce & Gabbana也推mini polka dots迷你波點恤衫；法牌agnès b.也有中等尺寸波點。
長點長有
小鳳姐點着？
徐小鳳的黑白波點裙堪稱經典look，原來她私下從不穿波點，「一次都冇着過，咁大個啲波點，真係好似登台咁，我好少着，好細好細點個啲就有。」小鳳姐更分享舞台時裝的秘密，原來波點以外，她最愛大大朵的花花圖案。
金光燦爛徐小鳳，原來也真的喜歡金色，至於她的巨裙下穿了甚麼？她說：「高踭鞋囉，其實都係唔會超過四吋，因為太高我唔識行。」
造型、撰文：林妙萍
攝影：郭賢興
示範：Janine C. of Calcarries
化妝：Chris Lam
髮型：Sharpay Fung