美國電動車生產商特斯拉（Tesla）行政總裁馬斯克（Elon Musk）6年前寫過一篇網誌「秘密大計1.0」，前日終於有下集睇喇。馬斯克嘅「秘密大計2.0」原來有四大目標，又透露明年電動版貨車有可能面世。
馬斯克自2006年後再貼出網誌「秘密大計2.0」，呢位被視為「瘋狂嘅發明家」嘅電動車CEO，原來想擴大電動車領域，除咗私家車，貨車、巴士、SUV甚至農夫車最快明年都有機會推出電動車版。
另外，佢又諗住研製比手動駕駛快10倍嘅自動駕駛功能，同埋向call車應用程式Uber挑機，踩過界做電動車call車生意。馬斯克話，發明意念全部由乘客出發。
有人批評，馬斯克忽然出網誌，只係搞公關show，想人忘記Tesla自動駕駛功能嘅致命車禍。股東就當然希望，馬斯克嘅創造力可以撻着Tesla股價，重回6年前上市時嘅爆升好日子喇。