點會估到，書展今年熱爆嘅「好書」，除咗雞排妹嘅寫真，仲有正義聯盟黨李偲嫣嘅《情書》，皆因喺網上引發討論嘅熱度，不遜於鄺俊宇嘅獨特「鄺體」。
偲嫣嘅《情書》，查實場內未有現貨發售，原價90蚊，「早鳥」預訂平18元，仲隨書附送精美海報（咁識貨喎，梗係有着數啦！）負責出版嘅匯傳媒攤位噚日有一男一女職員在場，好努力向途人大派印有李偲嫣嘅扇，但據聞首日冇人預購，唔知之後形勢有冇逆轉，可能李偲嫣仲未大駕光臨，冇人留意到佢瞓身拈花嗰張相幾咁值回書價。
而李偲嫣喺fb硬銷新書時就話喎：「李偲嫣『第一次』的深情剖白！」自稱「從人民而來，為正義而生、「忠貞真實的愛著香港和國家」，唔少「朋友」留言十卜佢，包括「南無阿彌陀佛！祝福你！」
