莎莎國際（178）舊年純利勁跌五成四，掌櫃陸楷（Guy）嘅人工亦唔見一截。睇番莎莎最新年報，陸楷舊年全年人工得386萬元，按年下跌57%，主要係佢收取以股份為基礎嘅薪酬部份大減92%。
熟書嘅都知道，陸楷嘅現金薪金一向唔高，主要係透過行使購股權再沽貨套現，有一筆可觀收入落袋，好似2013年，佢不停行使購股權，沽貨套現近9,600萬元。
根據年報，陸楷嘅基本薪金維持318萬元，舊年莎莎業績表現唔太好，陸楷連一蚊酌情獎金都冇，而佢收取股份為基礎嘅部份，約值46萬元。
睇番莎莎股價表現，2013年喺7、8蚊高位徘徊，之後一路向下，噚日收市報3.17元，難怪陸楷都好耐冇行使購股權了。