想健身的宅男們有許多疑問，其中一大疑問就係：「想練大隻，做負重運動之餘，仲應唔應該同時做帶氧運動？」甲話要乙話唔要丙又話會消肌，究竟點呀？今日找來註冊中醫師、健身教練徐澤昌（Roy），解開做唔做帶氧運動之謎。
Roy第一句就講：「其實帶氧運動係需要做。」因為當我們不斷做負重運動，肌肉開始變大、增加，同時肌肉之間的毛細血管都會相對增加。當重量訓練強度越來越高，對心肺功能的負苛都會越來越大，如果不做心肺功能鍛鍊，即是帶氧運動，就會影響到我們重量訓練的效果。
另一方面，做負重運動之前做帶氧運動，可以有熱身作用，有助提升身體柔軟度，預防受傷。不過做帶氧運動，時間不可以長，如果當熱身，只需做10分鐘至15分鐘，不用太激烈，慢跑或急步行，身體有點微微出汗就足夠。而做重量訓練後做帶氧運動，作用是把肌肉內的代謝物帶走，可以增加做運動的效果，時間以20分鐘為限。
為何是20分鐘？Roy說，做帶氧運動，一般來說會消耗我們身體的醣原，20分鐘後才開始消耗我們的脂肪，但其實在整個過程，我們很難確定它在消耗醣原、脂肪還是肌肉，所以是有機會消耗到肌肉的。所以，如果我們想把效果集中在消脂而避免消耗肌肉，帶氧運動強度可以略高，然後把時間縮短，大約在20分鐘內做完，就可以把消肌的機會減到最低。
記者：李聰
場地：Alive fitness