干地終於開齋喇！車路士新領隊干地上周六帶領藍戰士嘅首場友賽，竟然爆冷輸畀維也納迅速，仲俾人笑佢「迅速甩轆」；好彩，車路士喺周三友賽另一支奧地利球隊禾夫斯貝加時就大踢爭氣波，憑住貝特蘭查奧爾、羅夫度斯卓克同查路巴嘅入球，以3:0輕勝。值得一提嘅係，特登縮短咗假期、提早兩日報到嘅新加盟前鋒巴舒亞伊，亦有喺呢場波後備上陣，表現仲幾搶鏡㖭！