容祖兒昨日在中環出席港鐵活動，她表示間中遇到塞車時有衝動轉乘港鐵，只要不戴「三寶」，素顏亦沒人會認得出。Joey求學時經常搭港鐵，問她可有跟男友親嘴，她說：「冇咀嘴，但有男同學壁咚，公眾場所我好驚，立即捐窿走。」
早前男友劉浩龍拍戲被36D伍慧珊情挑，祖兒笑言是辛苦錢，祝男友順利拍攝一次過完成，她說：「情挑佢就死梗，拍戲咁耐冇試過情戲，一拍就36D恭喜晒，送碌柚葉畀佢洗眼。」她強調不用監場，問可擔心男友把持不定？祖兒說：「你點知我唔掂？我都好掂有手瓜，可能佢鍾意我嘅耳珠、眉毛同鼻窿。」可要事前幫忙綵排？她說：「試當真？同真實分別咁大冇乜用，貨不對辦。」
採訪、攝影：王連連