三星將會於8月2日美國紐約舉行Note 7「Unpacked」活動，這已是公開的秘密！
雖然真機相以多種不同渠道，呈現於大家眼前，不過一定唔及今次呢批相咁堅、咁多角度，原因是這批相是從韓國著名手機殼商VRS DESIGN在網上所釋出。
第一個發現是機身顏色今次有5種，除Note 5曾經用過的金、銀、黑及粉紅金外，今次的新色會是淺藍色，而且還有點接近天藍色，感覺有點日本機的味道。
另一注意點，除機背兩邊呈弧形之外，今次會同S7 Edge睇齊，Note 7的屏幕兩邊都會呈微弧的設計，不過又冇S7 Edge咁彎。另一重要發現點是叉電位，睇相明顯轉用為USB Type-C，大家的叉電線可能要有改潮換代的準備。
至於Note 7其它網上傳聞，大多放在硬件規格之上，首先是處理器會使用最新的 Snapdragon 821，據稱是以 Snapdragon 820為藍本，再加以改進，最高時脈速度可達2.4GHz，而且功能表現要比 Snapdragon 820提升了10%；記憶體方面，估計亦與現時最強的手機看齊，達6GB RAM，儲存空間最高對應256GB ROM。不過大家唯一不解之處，是顯示屏幕可能同Note 5一樣，仍然維持在5.7吋。
記者、攝影：朱崇德
