萬綺雯與何佩瑜（Jeana）昨日在銅鑼灣出席美容院揭幕，對於有指萬綺雯辭演《老表3》，她直認說：「係呀，幾個月前已經通知TVB，因為有工作一早應承咗，撞咗期，我對《老表》好有感情，係我入無綫第一部劇，自己都好可惜。」提到好友張文慈被指亞視味濃，無綫請食閉門羹，她說：「我哋的而且確係亞視大，我覺得未必係主要原因，有啱佢嘅就會叫佢。」
Jeana 9月開拍新片《作家的謊言》，現正閉關中，她透露戲中沒有激情戲份，問是否男友翁子光不批准？她說：「有機會都盡量唔好拍接吻戲，蜻蜓點水就得。」再問與翁導演的關係時，她說：「我哋係約會緊，佢係super boy friend，超級男性朋友。」
採訪：羅慧敏
攝影：陳志嵐