今年1月退出「民主思路」的獨立泛民區議員司馬文,噚日喺中環十號碼頭對出空地,正式宣佈參選港島區。
由於近海兼天氣麻麻,現場不時吹起大風,當司馬文講述佢以「一齊拆掂佢!(let's fix it!) 」的競選理念時,佢身後幅banner咁啱被風吹甩,要到場撐佢嘅傘兵楊雪瑩、朱凱廸等人幫手修理,最終更要由義工企喺banner後面用人手鞏固,令司馬文不禁嘆一句:「要修理的可能不只香港,還包括這幅banner。」
司馬文會後就話,佢個6歲囡囡送咗條「幸運領呔(Good Luck Tie)」,佢覺得呢個先係噚日嘅重點。平日只講英文的司馬文又話,唔擔心喺選舉論壇輸蝕,因為有電台論壇已話准佢帶繙譯員出席。
問到點睇對手、民記Tree根鍾樹根英文水平,司馬文話記得全部有關Tree根的英文笑話,但唔會因此批評佢喎。