【伴娘唔娘】妍希BB「最美伴娘團」 刺繡little dress古典又吸睛【伴娘唔娘】妍希BB「最美伴娘團」 刺繡little dress古典又吸睛
陳妍希同內地小生陳曉今日成婚，全場最靚嘅當然係妍希BB，不過佢嘅伴娘團亦威力驚人，仲俾唔少台灣傳媒稱為「史上最美伴娘團」！伴娘伴郎團同新人合照時，見到陳喬恩同阿嬌（鍾欣潼）各坐新人兩邊，聯同中國演員胡冰卿等四位姊妹，一齊身穿露肩古典刺繡粉色little dress現身，勁襯新人所揀嘅郭培‧玫瑰坊高訂系列龍鳳刺繡裙褂，classy又唔會搶晒新娘子風頭。其實現時唔少婚禮流行主題式禮服設計，無論要襯中式傳統味或輕鬆民族風亦得，唔再一味係長紗裙，準新人可以諗諗佢喎！
記者：黃樂雯
新娘一身白色民族風裙，姊妹們着白底碎花裙，襯埋去新娘勁突出。有時玩性感唔使下下露肉，輕輕騷出鎖骨都夠吸引。（互聯網圖片）
邊個話big day一定要正式衣着？婚禮主題玩波希米亞風，位位姊妹唔同look，連花女有蕾絲飄逸元素，跟埋主題㗎！（互聯網圖片）
鍾意經典啲嘅話，呢個「The Great Gatsby」主題人人夠cool夠chok，綴閃片晚裝叫人百看不厭。（互聯網圖片）
唔一定玩大龍鳳，純粹girly花花打扮都可以係一個主題，用裸粉色做主色再玩出大小碎花變奏，望落和諧又可人。（互聯網圖片）