剛播出的ViuTV實況娛樂節目《Barter Game價值連城》，由任賢齊與梁漢文、郭偉亮（Eric Kwok）和劉心悠、林二汶與駱振偉，分別到茶馬古道、古巴及婆羅洲，用「以物易物」生活方式，探討不同地方的價值觀。心悠和Eric到古巴一站，其間發生了一件事，令平易近人的心悠，憤怒得用電話掟Eric發洩。
讚心悠性格堅毅
心悠與Eric日前在銅鑼灣接受訪問，重提事件，心悠說：「我好印象深刻，我哋差唔多去到最後一關，點知嗰刻佢話要放棄，仲話好掛住老婆要返香港，我嬲到攞電話掟佢，真係嬲，嗰陣已經玩到全身冇晒力，好肚餓，好明白佢心情，但堅持咗咁耐，不如玩完先走喇，其他兩team都已經可以yeah。」Eric卻輕鬆說：「我諗佢有少少嬲，真係掟中我隻腳，佢好介意其他兩team，但係我完全唔care，我又未睇清楚古巴女仔，睇晒冇嘢睇咪走囉！」不過Eric又賣口乖讚心悠外表溫柔性格堅毅，他說：「佢好捱得，千祈唔好惹佢。成日瞓街，冇水沖涼，有時又冇水飲，佢後尾都病咗，但佢好堅持要完成行程。」心悠謂這次旅程是互相幫忙和依賴：「有乜嘢事，我都係第一時間匿喺佢後面。今次任務好大殺傷力，當然亦都有好多笑料，有啲地方一生只去一次，所以我都好期待。」
二汶難忘搵猩猩
此外，林二汶和駱振偉出發往婆羅洲前要在汶萊轉機，二人皆稱眼界大開並巧遇吳尊。到達東馬後，他們即前往尋找猩猩足印，旅程既開心又難忘。對於節目之前未播出已在網上受到熱烈討論，二汶說：「呢十日我哋經歷過辛苦，唔係覺得偉大到可以改變啲乜嘢，如果可以引起討論，苦就唔係白受。」
採訪：何慧斯