麥何小娟的「十優育成天書」或令不少爸媽雙眼發光，但曾是英文教師李卓瑛的看法有點不同，「係咪一本書可以教到家長點樣教自己嘅細路哥？我覺得唔係」。她認為書只是輔助工具，最重要是父母的身教，以及對子女了解有多深。
執教鞭多年，李卓瑛見盡不少功利家長，「有家長同我講，『如果我仔女入唔到好大學，將來點供樓、點養妻活兒呀？』我真係反駁唔到佢」。因社會現實，只好逼子女入好學校，找好工作，一層推一層，每層都以分數劃線。麥太訪問時認為這並非功利，「全世界都係咁樣教」。但李慨嘆：「點解細路咁緊張DSE？因為已經決定咗佢哋入唔入到大學吖嘛！」
盼不以成績分高低
李卓瑛處女作《致年幼小孩的爸媽》有不少對時下教育制度的控訴，如政府不肯力推小班教學，只一味猜測老師是否想偷懶教少些學生，「但我哋可以有（多啲）精力去照顧每一個學生」。一些人喜歡休閒時學習日韓文等，李形容這份熱誠，大多數不會在必修科如英文科中感受到，「學生有種感覺係為咗考試而學習」。
她觀察到芬蘭教育不是用成績去衡量一個人的高低，而是公平地讓孩子發掘自己的專長，希望香港有朝一日也不是完全用成績去劃分學生高低。