【本報訊】一名賊人昨清晨闖進旺角一間便利店，持𠝹刀指嚇女店員聲稱打劫，大喝「我攞少少錢，我都係為家庭」，鑑於油麻地碧街便利店東主被殺案，女店員不敢反抗，賊人掠去收銀機7,500元現金後逃去，女店員猶有餘悸：「我梗係唔郁啦，嚇到我幾驚呀！」
掠7,500元逃去
現場為旺角奶路臣街19號地下7-11便利店，昨清晨5時許，女店員正在低頭點數期間，突有一名穿藍色格仔衫、戴口罩、瘦身材年約60歲男子，衝入店內用𠝹刀指嚇女店員，「打劫，你唔好出聲，我攞少少錢，攞完我就走，我都係為家庭，我幾十歲啦，我唔會傷你，你唔好報警住！」女店員被嚇得目瞪口呆，打開收銀機，賊人先掠去2,000元，意猶未盡，再勒令店員打開另一部收銀機，掠走5,500元，賊人得手後奪門而逃，便利店共損失7,500元。女店員估計事前賊人已一早到店「踩線」，她隨即通知姓李（57歲）負責人報警，警員到場調查，翻看閉路電視追緝。
■記者謝志輝