最近股市大落大上，6月23日星期四英國公投脫歐之後，股市大跌，曾一度以為全世界金融市場陷入危機，但美國股市隨即在6月27日開始升勢，帶領全球市場大反彈，杜瓊斯指數上星期曾一度創歷史新高，香港恒生指數也急速回升至接近21700點，這都是三星期前意想不到的，或問：世界經濟大勢與三星期前有何不同？答案是沒有，再問：為何股市大幅度反彈，答案似有一個，就是美歐恐怕英國脫歐引起震盪，背後大家聯手準備隨時救市，大開水喉，存款負利息，故此股市難跌易升。
換句話說，現時炒股是少看公司盈利實質，經濟環境，而是要看大勢，睇清楚中央銀行的政策方向，跟着中央銀行走，唔好抝頸。近期大勢係加息不成，減息反而有望，揸住銀紙唔知做乜，於是追逐穩定高息股或地產信託投資基金，或商業信託基金算了。領展、港燈、香港電訊、泓富等近期成為買家寵兒，道理一字咁淺。
因而想起老友記曹仁超生前在飯局最鍾意講世界大勢、經濟大勢，講完大勢先至講買邊一類股票（現稱板塊），曹Sir不幸於二月仙遊，佢嘅投資灼見再難聽得到，看得見，好彩，信報出版社將曹Sir生前力作，創富三部曲重新編輯成書，名為「論勢、論戰、論性」紀念珍藏版，再加上從未曝光的「永遠的曹仁超」紀念相冊，收錄其女兒、家人、各界友好對曹Sir的懷念，共一套4冊，售價港元688，所有收益扣除成本後將捐贈曹Sir生前鼎力支持的北京農家女學校。大家行書展，不妨買番一套，做善事之餘兼可學習投資創富之道。
今天投資大勢係趁負利率／極低息大炒高收益股，但不可忘形呀，不可忘記南海有一隻黑天鵝，隨時破壞亞太區和平。自海牙仲裁法庭判定中國在南海沒有歷史上的主權後，據稱中國表面暴跳如雷，可以理解，但幕後有不少外交活動，據外電報道，美國知道判詞後，立即打電話通知菲律賓印尼克制，叫馬來西亞保持沉默，派出大使、國務院人員傳達「保持鎮靜，勿用說話刺激中國嘅鷹派」。中國當然知道美國之幕後活動，但在內部政治方面，中共如何化解解放軍之鷹派言語及魯莽網民之民粹主義，幾考工夫，倘中國鷹派佔上風，南海發生衝突嘅話，大勢不妙矣！