沙田草地1000米直路賽，歷來孕育出唔少路程專家，最經典當然係一代馬王「精英大師」，累積在此程勝出12Win，至於現役馬中的「千王」是八歲老馬林建岳愛駒「跑寶貝跑」，服役以來八場頭馬，全在直路賽交出，反而其他路程未嘗一勝，可見獨沽一味，唔多識彎轉。
既然「跑寶貝跑」上季能兩度在非擅長之田草1200米放入一席位置，證明本身戰鬥猶在，此駒最高曾經評112分喺三級賽力挫「恩格斯」、「一寶」贏得沙田短途錦標，雖然家陣年紀已大，但估計經過本月總編班調整，以及新季初再減一兩分後，好快可以落三班跑，屆時形勢必大利，縮跑番田草1000米直路賽，有機會取得本身第九場頭馬。