「宅男女神」陳瀅上年同賭王四房囝囝猷亨拍拖，熱戀過後近日出現裂痕，感情進入冷靜期。不過陳瀅日前就否認情變，只係話佢哋專注工作，所以先暫時分隔兩地。
陳瀅BB前日賴理緋聞，仲喺Ig貼咗3張同兩位女友人喺沙灘玩嘅相，不過佢唔係趴咗喺到就背咗光，只係有一張佢拎住欖球嘅相見到腰同腳，令到一班宅男心癢癢。
昨日陳瀅BB回應網民訴求，再擺多幾張沙灘嬉戲相，今次啲相除咗近啲見到招牌笑容，佢仲同兩個朋友做「影後」！雖然陳瀅BB兩位朋友身材唔算差，但一拍埋陳瀅BB到就輸晒，因為陳瀅BB條三角泳褲將佢個「八月十五」呈現咗出嚟，非常養眼。