威爾斯喺歐國盃打入四強，成績咁好，主力加里夫巴利自然心情靚，好事仲要接踵而來。上星期六係佢27歲生日，仲係休假中未歸隊嘅巴利，帶埋女友愛瑪（Emma Rhys-Jones）同囡囡Viola一齊去巴利亞利群島度假，但愛瑪好快就唔再係巴利女友咯。球迷唔使驚，佢兩個唔係感情生變，只係名份有變箒，巴利喺周日twitter發文，公開愛瑪接受佢求婚嘅消息，真係恭喜晒。