7月10日馬季煞科，小休一周後，新一季晨課於這天(18日)又火速展開。首匹露面的馬是蘇保羅馬房的「友瑩格」，於凌晨4時36分由助手策騎下，步往機坪踱步，表現得好輕鬆。
「友瑩格」乃本港前短途馬王，雖然快轉8歲老年，而且有過不少傷病，但此馬鬥心強勁，上季曾經心律不正常，不過休後於1月底復出即可喺1200米一級賽百週年紀念短途盃，擊敗兩大勁旅「大運財」、「幸福指數」捧盃，論實力喺香港始終數一數二。5月喺主席短途獎雖然冇表現，但其實蘇保羅賽前都講明，隻馬喺日本絞腸痧後狀態不足，結果14檔衰位下都輸唔遠，反映退化唔太大。
今季「友瑩格」率先復課，反映健康狀況好理想，相信蘇保羅一定會部署佢打快攻，未來動向值得吼實。