王敏德囝囝王躍穎（Kadin）一拖四，前晚被本報拍到佢同四位熱褲女性友人去蘭桂坊PLAY想夜蒲，不過最後入唔到場，改為同女友人企喺蘭桂坊出晒名嘅安慶台對出吹水，吹到完場最後自己一支公搭的士走人。冇下文。
蘭桂坊出名嘅地方又點只安慶台，仲有呢啲：
藥房
冇錯！你冇睇錯真係藥房，藥房殺到入蘭桂坊！
喺蘭桂坊德己立街日前開咗間藥房，昨日所見呢間藥房門口放咗一大堆花牌，佢個招牌仲閃到眼都盲，睇嚟都唔係做本地客生意。的而且確，舖中客人都唔係講廣東話，亦唔係講英文，佢哋仲拖住篋嚟幫襯。喺世界聞名嘅蘭桂坊酒吧群入面竟然有間藥房，都咪話唔好笑！
翠華茶餐廳
有睇《志明與春嬌》嘅朋友，都知道蘭桂坊翠華係用嚟做咩！喺夜場結識到新朋友，黑麻麻睇唔清新朋友係咩樣，咁就梗要去成個蘭桂芳最光嘅翠華照一照，睇下新朋友樣子如果，再去了解下新朋友啦！
皇后大道中、德己立街交畀
呢個位好多人都知係各大名店搶住租嘅地方，過咗12點冇錯係收晒工，不過最清楚嘅o依家先開始，因為唔少通宵小巴都係嗰個位上車，唔少盡慶完嘅朋友都會嘅呢度搭車，又有啲未能「覓」得新朋友嘅人士會意興闌珊地離開，絕對係觀賞蘭桂坊嘅好地方！