馬詩慧的16歲兒子王躍穎前晚夜蒲失威，昨晚他與家人為胞姊王曼喜（Kayla）慶祝24歲生日。Kayla雖然和同性密友熱戀中，但生日卻未有選擇過二人世界，反而與家人和好友開P熱鬧一番。
馬詩慧昨日凌晨已在Instagram貼出母女相，二人十足兩姊妹，並留言給Kayla送祝福，馬詩慧昨在電話中說：「我一早送咗生日禮物畀佢，扮靚嘢同飾物都有。」至於爸爸王敏德昨也說：「我實際啲，送咗cash畀Kayla。」王敏德前晚先與Kayla預祝生日，還送上蛋糕。
昨晚Kayla悉心打扮到灣仔出席派對，問到她的生日願望？她說：「身體健康同埋個自家服裝品牌可以做得更好。」獲家人朋友錫到燶，壽星女全晚笑不攏嘴。
採訪：楊定