上周港股表現，猶如周星馳《食神》經典對白。飾演唐牛的谷德昭，被周星馳飾演的食神史提芬周，先後兩次將頭「質」落蛋糕，滿臉蛋糕的唐牛說：「我真係估你唔到呀！」 史提芬周回應：「兜口兜面講咗兩勻㗎啦！畀你班蛋散估到我就唔係食神啦！」周先生說得對，若「畀班蛋散估到」，股市亦不是股市。
港股上周「五連升」，收報21659點，今年最高位收市，成交約731.94億元；國指升39點，收報9049點。恒指一口氣重上二萬一關口，以百分比計，同時更創自去年4月來、即港股大時代完結後最大單周升幅。
當大部份人看淡，股市結果是升到「你估佢唔到」。
資金大手搶貨？非也。「炒鬼」朋友說：「買股票？唔好玩啦，我近排都越買越少，都唔知乜鬼資金買緊股票……呢排由於息仲係平，條街反而好興借錢買債，借2厘平錢，再買7厘公司債，坐定定喺度，乜都唔洗做，淨袋5厘，買股票搏乜？諗吓點借錢仲好。」借錢買債「聽落就好有計」，但加息怎麼辦？會否又是「估佢唔到」？
密西比