法國名宿真路拿，昔日效力紐卡素、熱刺期間，一把長髮喺左路盤扭，都真係幾型仔㗎，至於擁有佢DNA嘅囡囡卡拉（Carla）都唔差，卡拉日前就喺倫敦攝政大學畢業，戴四方帽咁重要嘅時刻，老竇真路拿當然有份出席，卡拉仲上載埋兩父女嘅合照喺個人ig（小圖）。講真卡拉嘅ig都有唔少自己嘅靚相，除咗身材瘦削啲之外，都真係美人胚子，演藝界經理人諗諗佢，簽佢做明星都唔錯啦。