完成歐國盃後，唔少國腳仲未歸隊，享受緊假期，好似阿仙奴嘅德國中場奧斯爾，就喺美國洛杉磯旅遊散心，同行仲有另一國腳、史浩克04師弟利萊辛尼，兩人仲一齊食飯添。20歲嘅辛尼仔雖然喺歐國盃冇咩表現，不過仍然備受歐洲大球會青睞，據報曼城想用4,500萬鎊簽佢，但係奧斯爾如果用人情牌，幫阿仙奴拉攏辛尼過檔，唔知領隊雲格領唔領情呢？