【本報訊】經歷股權變更，現時主打較高資產淨值客戶的AMTD，上半年屢次傳出裁員消息，6月時更傳出關閉個人財富業務部，傳涉及員工近100人。不過AMTD董事局主席蔡志堅稱裁員是「誤解」，形容現時只是「由果汁店轉成為咖啡店」的過程，當中「有人會開心，有人會唔開心」。
蔡志堅表示，所謂轉型及裁員存在不少誤解，「你明白好多做零售業務嗰啲係外聘顧問（external consultant），咁公司將新同舊嘅業務，互相側重點轉移，係會有人開心，有人唔開心；有人理解，有人唔理解」。
他又以「賣果汁」和「賣咖啡」比喻現時AMTD人手狀況，「我原本係一個果汁店，𠵱家加埋咖啡、沙冰，其實係按市場需求，同埋食環署肯唔肯發牌，如果最終發覺無人買果汁嘅，咁我係咪要賣少啲呢？當賣緊沙冰嘅人唔高興，咁我又點算呢？」
蔡志堅強調現時業務發展亦要滿足股東及管理層期望，又提到未來一至兩個月內，將成立人才培育基金，「會招聘香港金融精英，大規模咁請，同原本嘅誤解唔一樣」。