【本報訊】二手高價，一手暢旺，原本睇今季樓市下跌的中原集團主席兼總裁施永青改變對樓市睇法，「今年第2季樓市反彈，我認為遲啲會落，但當時形勢同𠵱家唔同，𠵱家覺得會反彈，形成雙頂再落，今年內有機會反彈至去年9月高位」。
施永青解釋，英國脫歐，令本港樓市好轉。資金市場改變，美國之前話加息一次，但目前加一次機會也微。其他國家繼續實施量寬，「令手上有現金啲人有啲恐懼，寧願買實物、黃金呀」！
二手缺盤，之前業主由心軟轉為強硬，夾高成交價，「買賣雙方議價時，賣方略佔優惠」。市場是一個天秤，「一邊加多一粒籌碼，就彈上去，呢個籌碼就係息口。美國𠵱家可能加唔到息，呢粒籌碼令平衡嘅市道，突然向賣方傾斜」。