現年68歲的林子祥（阿Lam）前晚在澳門舉行「越唱越響40年演唱會」，整體編排跟香港站一樣，阿Lam一開場便落台與媽媽唱《Que Sera Sera》，Lam媽開金口唱了幾句副歌，阿Lam說：「畀啲掌聲我阿媽，阿媽畀咗咁多頭髮我，仲畀我咁有氣唱咁多歌，因為佢都好長氣。」
唱到中段，輪到老婆葉蒨文（沙麗）和囝囝林德信與阿Lam合唱《Lemon Tree》，沙麗說：「今日大家同我哋分享一個好特別嘅日子，唔止係40周年。」接着沙麗問阿Lam：「知唔知聽日係乜嘢日子？」阿Lam講笑說：「我唔記得咗。」平日笑口常開的沙麗在台上大發雌威：「你返到屋企就大鑊喇！」
約食飯慶祝
原來昨日是兩人結婚20周年紀念，沙麗說：「96年7月17結婚，我同佢過咗20年，係40周年嘅一半，所以我係佢嘅另一半！」沙麗又投訴阿Lam在家不說話，只懂「咿咿哦哦」，阿Lam說：「就係因為我哋唔講嘢，又唔係成日見面，先有20年咁耐。」兩公婆再合唱《選擇》，唱完後沙麗攬住阿Lam說：「Happy Anniversary，40同20都係，聽日先約你食飯啦！」
沙麗母入院
完騷後，阿Lam透露9月會去馬來西亞雲頂演出，談到怎樣與老婆慶祝？他說：「出街食餐飯，佢𠵱家冇乜點煮嘢，其實佢煮嘢幾好食。」問會否趁機跟老婆講句「我愛你」？阿Lam即耍太極：「哈……有時唔使講嘢，feel到就得。」此外，沙麗昨午到養和醫院探望媽媽，她表示希望媽媽過幾日能出院，但未有透露病情。
採訪：盧妹、卓寶花
攝影：陳慧安、陳俊強
