哥迪奧拿係個完美主義者，今夏嚟到曼城教波，真係大把嘢頂唔順要改革，例如有傳媒話，哥帥唔滿意曼城球員成日喺更衣室食薄餅嘅風氣，所以以後都唔准球員叫外賣返嚟。喺以前比歷連尼嘅年代，曼城好興喺更衣室叫薄餅食，但哥帥認為快餐唔健康，同埋為咗團結球隊，佢決定以後喺主場踢完比賽，全部人都要一齊出街食飯，增進大家之間嘅友誼喎。