郭能於剛結束的馬季贏到40場頭馬不差，但他直言仍有些事情令他感到遺憾。
郭能說：「『刺刀』全季沒有上陣而退役係一件遺憾事，因為此駒前季在港登場兩戰1000米直路賽都easy win，都由我操刀，如果唔係腳部脹筋，佢應該可以喺1000、1200米再贏兩三場，短時間內上到二班亦一啲都唔出奇，牠的退役長線令我、練馬師沈集成及馬主失去幾場頭馬。」
郭能續說：「仲有『金滙龍華』，喺上季狀態最銳嗰陣，因為馬主個人問題而被禁止出賽，好在隻馬終於易主，上季尾已經喺田草復出開氣。雖然佢評分已經升到88分，但如果新季重返谷草主場，相信仍然好有惡氣，二班亦有機會贏到。」