【本報訊】西環觀龍樓恐怖大火，起火單位的男戶主攀窗逃生墮樓一幕驚心動魄，《蘋果》從街坊取得一條事發大火的片段，拍攝到26歲姓黃男戶主墮樓一幕，場面震撼。居住在觀龍樓A座的陳先生，昨凌晨1時許正在家中打機，其間聽到窗外傳出喧嘩聲，於是走出騎樓查看，赫見對面單位有火警，於是用手機拍攝。
「一跌落去好多人尖叫」
陳先生指初時火勢不算太大，其後一發不可收拾，其間聽到有居民不停大叫：「有人喺入面呀！」「有人呀快啲報警呀！」片中顯示有物體從起火單位墮下，還清晰聽到街坊驚呼聲。「初時我都唔為意有嘢跌落嚟，唔知係個人嚟嘅，淨係見到好似有啲衫褲咁嘅嘢，之後直到落地嗰刻好大聲，我先至覺得嗰個係個人……正常普通嘢跌落街都冇咁大聲」。
另外，街坊陳小姐住在觀龍樓另一座，她亦目睹男戶主逃生失敗經過。她稱，見到起火屋內有一個人，原本以為男戶主自行救火，不久即見他攀出窗外，估計他無法由前門逃生而被迫爬窗逃走，「諗住向左爬去樓梯嗰邊，點知捉唔實，跣手就跌咗落去。佢一跌落去好多人尖叫，我諗目睹嗰啲都幾慘，因為咁高跌落去都幾恐怖！」當時陳小姐的心砰砰亂跳，不敢再細看，攬住父母不放，一家人最終徹夜難眠，腦中總想起男戶主墮樓一幕。
■記者胡恩宏