《Pokémon GO》手機遊戲App係美國、澳洲等地上架一個星期，已經令廣大粉絲陷入瘋狂狀態。不論明星定係宅男，個個都爭住做小智，不惜一切係街上暴走，為嘅就係野生捕獲比卡超！
不過立志成為出色精靈訓練員嘅大大們，又知唔知道呢個game嘅遊戲開發公司Niantic其實有咩來頭？呢個App竟然有可能組織一個全球間諜網絡，洩露國家重要機密？仲會引爆私隱危機？
想知究竟《Pokémon GO》暗藏咩「陰謀」？蘋果動新聞搵咗香港資訊科技商會榮譽會長方保僑睇吓點睇。即刻去片！
採訪：何宛珊（表妹）
攝影：馮峰、Neo
