【本報訊】政府昨公佈下月將針對6幢違契用途工廈採取行動，要求14日內糾正違契用途，否則收回單位。有租戶認為政府「做場騷」，只有無奈搬走。有議員認為，上月牛頭角大火引起工廈消防安全問題值得檢討，同時應趁機檢討工廈政策，而非一刀切趕走小商戶。
租戶斥政府做騷
在屯門得利工業中心經營音樂教室近十年的謝先生批評政府是次行動是「做場騷，係人都知政府嘅處事手法就係咁，我哋都做唔到啲咩，惟有搬走。」他指音樂教室的人流並不多，且每年都檢查消防設備，「我真係見唔到有咩即時危險」，希望政府可以有限度開放工廈。
租用工廈一年多、從事藝術創作的張先生（化名）認為，工廈內有食肆、文化創作等會影響安全，但質疑香港進行文創空間不足，「咁邊度有地方提供畀文化創業？賽馬會JCCAC又幫到幾多？」他指從事創作的年輕人大多沒有錢，只夠租用工廈，若政府想不出辦法解決，香港最終變成沒有創作文化。
議員楊岳橋認為，政府理應先處理有即時危險的違契用途，如迷你倉等，而行動中發現有商戶存放危險品，「咁點解唔即時移除咗啲危險品先？𠵱家有冇殺錯良民？」楊岳橋認為，政府應同時檢討活化工廈政策。
■記者趙雅婷