【本報訊】深水埗荔枝角一帶近來陸續有政府、機構或社區用地被改劃為商貿用途，長沙灣臨時熟食市場中多位食肆檔主，過去一年多次收到食環署告票，指其大牌檔桌椅霸佔空檔位的位置，食肆檔主及深水埗區議員袁海文質疑食環署藉此趕走檔主，為將來興建商廈鋪路。
檔主斥當局鋪路建商廈
55歲的檔主方先生自1984年租下臨時熟食市場的檔位經營食肆，去年起3度收到食環署的告票，「以前佢哋都知熟食市場係會咁運作，佢哋𠵱家只係要交數，上頭要做靚條數，俾人睇到有做嘢」；他指食環署過往每3年與檔主續一次租約，但自千禧年起，食環署改為每年續約一次，「真係今日唔知聽日事，想買多啲架生都唔得，而且改為每年續約，空穴來風，未必無因，隨時可以趕走我哋」。
63歲的檔主羅先生於臨時熟食市場經營食肆已經超過30年，同是因霸佔其他空檔位置，3次收到食環署發出的告票，「呢樣又話唔啱，嗰樣又話唔啱，我只想搵兩餐，再係咁落去，我驚兩餐都搵唔到」。
袁海文斥責食環署處理臨時熟食市場的手法，他指檔主多年來多次向署方要求改善熟食市場的環境及設備不果，但近來署方卻多次「認真執法」阻嚇檔主，「商戶要求改善環境，食環署係不理不睬，然後用陰乾手法趕盡小商戶嘅生存空間」。
袁海文指附近的汝州西街熟食小販市場已由政府、機構或社區用地改劃為商貿用途，質疑食環署的做法是配合政府的方案，長沙灣臨時熟食市場恐將成為下一個被清拆的目標，然後用以興建商廈。
■記者梁佩珊