「8搵6」炮製廉記大地震，批評李一姐管理方面未達標，那末，為什麼事先不多加提點呢？
「阿Sir，俾次機會。」這是食牛肉乾之前所有車主的口頭禪。老廉執行處這個神級頂位，不是一般私家，而是舉足輕重切線掟彎都超然於公交的坦克車！鎮守住一河之隔有別於貪腐強國的淤泥邊境，一車當關！咁誇張，出動坦克車？毫無懸念！飲香港水的香港人一定認同，廉記的獨立強悍，地上必須最強！
可是，經過了「過去四年」，連廉記內部都碎片化。提點哦，你懂的，8先生這麼回應：「she is not a baby。」一語道破！李寶蘭，你不是狼營baby，追查五千萬，做到咁盡，係成年人都知，郁動狼團隊的利益，只有被震懾一叮的下場。行走江湖三十年，應該摸清楚老闆心意，插翼都唔好表露自己識飛嘛！對，一直扮BB，扭吓計就算，過去四年有辦睇，老廉係時候告別神探本色，hea住做，大家搵食啫，你唔係baby，唔點都明白啦！