啲人成日講咩「贏在起跑線」、「贏在射精前」之類，其實對有啲女仔來講，邊使贏得咁早？只要「贏在媾仔時」就OK啦！
財經網站Business Insider，尋日就寫了一篇文章，將1995年出版嘅一本書《How to Marry Money: The rich have to marry someone, why not you?》（作者：Susan Wright）寫咗個精讀版！如果閣下一心諗住嫁入豪門嘅，都可以參考吓嘅…
1：注意形象
得閒就轉吓形象，好似染下髮，試不同的妝容；著衫方面唔好太緊身或太曝露，剛剛好顯示到自然美好身段就OK！如果咁都唔得…本書建議你改名…話咁樣會Work喎…
2：唔好嘗試引人讚你
一個字講晒，Cheap。
3：點樣講開場白
要諗開場白，其實唔難。本書建議你可以評價吓當刻發生嘅事，或者當下你見到嘅嘢。不過，佢提醒，如果你係第一個講嘢嘅，Make sure你都係結束對話一方，唔好等到人哋覺得你太長氣佢先走人。
4：揀地方出現
俾到錢嘅當然住高尚住宅區；俾唔到錢嘅，去呢啲區域附近出沒，行吓超市呀，去Gym房呀。作者仲鼓勵女士做醫護、法律相關工作，會易啲識到有錢人喎…
5：唔好投訴
千萬唔好投訴生活苦悶或寂寞。
6：吊高嚟賣
唔好太快就應承任何嘢，俾啲時間，亦唔好影響你原來嘅生活。唔好同任何人講你對邊個有興趣，如果你同朋友講，佢哋過度正面嘅鼓勵，好容易令你希望越大，失望越大。
7：扮偶遇
如果你知道目標出沒地點、時間，可以扮偶遇，即係「如陽光…」嗰類老土嘢呢。不過記住，由你相識到偶遇之間，最少要相隔數星期，否則太早會太明顯。
8：提出適量要求
當你地一齊咗之後，可提出適量要求，而唔係只係一個隨傳隨到嘅跟得女友，好似你可以提出要收花、要對方屋企鎖匙、要求對方每晚致電給你等…
9：不要比較
千萬唔好將對方同你嘅前度比較，就算你想話佢好過前度都唔好，因為冇人鍾意俾人評頭品足。
10：融入家中
留意佢同屋企人嘅互動，通常媽媽都係特別要留意嘅目標，要知道佢鍾意屋企人啲咩，唔鍾意啲咩。
11：認清自己
要幻想如果呢個人冇錢，你仲會唔會嫁畀佢。如答案係否定，咁就千萬唔好嫁。
呢本書畢竟係廿年前嘅書，所以可能有啲橋比較老土，亦唔知點解一定只適用於吊金龜。不過成本書最有用、最中肯、最岩聽嘅建議係：相信自己直覺，認清自己人生目標，努力向前，去搵一個值得你愛嘅人。