新特蘭領隊艾拿迪斯周二去咗同英格蘭足總高層會面，會方都算係咁，話如果大Sam有機會做國家隊揸fit人唔打算阻撓，但就唔滿意足總三心兩意，仲傳考慮緊布魯士同艾迪賀維，希望足總快啲畀個明確答覆；話晒新季英超仲有唔夠一個月就開鑼，球會搵接任人都要時間。據報新特蘭亦不敢怠慢，打算搵前曼聯主帥莫耶斯（圖）接手。