每個練馬師都有倚重出擊之騎師，故此有騎練合作成績特別好，其中沈集成與莫雷拉上季在谷草合作竟然仲未甩過獎金，真係旺到你唔知，新季呢條攤路可繼續跟進。
冠軍騎師莫雷拉騎功出眾，各個倉口都樂於同佢合作，不過正因如此，所以練馬師都會精挑細選機會份子才搵雷神上陣，形成莫雷拉與多位練馬師合作保
持極高上名率。最值得留意係新谷草王沈集成，練者上季與雷神合作34 次，取得15 勝11 位，如果單計谷草賽事就更勁，總數20 次，交出十二冠三亞三季，落第兩次亦跑第五，換言之全部有獎金，而上名率更高達九成，例如「好運有利」便四次配莫雷拉跑谷草全勝，反而其餘出賽都未贏過；另外「段段有」及「精壯神駿」同樣兩配雷神出爭谷草均非勝即位，新季谷戰再有沈廐馬起用雷神執韁可以放心捧場。