好多內地節目為吸睛都會無所不用其極，剛離巢無綫的佘詩曼最近參加江蘇衛視美食真人騷《星廚駕到3》，其中一集遇到從韓國遠道而來、《繼承者們》男星姜敏赫踢館，但最考起阿佘的並不是「小鮮肉挑機」，而是大會指定烹調「頭部」菜式。
阿佘不幸地抽中牛頭，雖然已經清洗乾淨沒有血，但鏡頭前將整個牛頭放在枱上，非常重口味。阿佘起初有點束手無策，幾乎想過投降，她說：「對住個牛頭真心覺得好恐怖，係現場真係唔知點算，好彩最後諗到煮牛脷，不過諗番拉條牛脷出嚟嗰刻，真係幾驚嚇。」
入四強算超額
阿佘與秦海璐、何潔等參加者分別要到上海、三亞、澳門等地進行廚藝激戰，阿佘初段烏龍百出，不過越戰越勇，終成功殺入四強，並在澳門站煮盆菜及法國鵝肝贏得冠軍。阿佘的英文名字「SHEH」成功「燈」陸在澳門巴黎鐵塔上，相當威水，她笑說：「當初參加冇太大信心，畢竟已經久疏戰陣，平日又少入廚房，入到四強算係超額完成。」
原來阿佘曾赴瑞士修讀酒店管理，所以訓練出不錯的廚藝底子，她說：「參加呢個比賽真係好有滿足感，鐵杵係可以磨成針，當有壓力時，可以啟發到我另一方面小宇宙，發揮到潛力，覺得自己𠵱家似大師級咁。」阿佘表示現階段最希望盡快回港，炮製一頓九大簋孝敬媽媽及「七魔女」一班好姊妹。
採訪：嵐山