車廠鬥得你死我活，除車種、型號越來越多，還要鬥科技鬥Design鬥價錢。其實塑造品牌形象才是突圍的重要一環，上天下海都已經唔放過的Mercedes-Benz design，在游艇及飛機已展示出它們的設計功力。今次竟然玩埋Golf Car（高爾夫球車），還戲言這部是「real sports car」。黑白色Garia Golf Car外形有點像smart，高爾夫球面圖案設計的鬼面罩、修長頭燈、備有立體大屏幕的中控台及流線座椅等等，統統看出設計師的心思和創意，貴氣十足。即使我唔打Golf，都已經幻想到揸住呢部車喺場內四周穿梭會有幾型、有幾威！電動充電裝置需要六小時充電，時速由30km/h至80km/h。不過說到尾也只不過是Golf Car箒，真係有必要咁講究咩？雖然價錢尚未公佈，但應該都唔會平，加上型到咁over，我諗要搵地方收埋佢先係最煩。
記者：許維雅
