效忠馬刺19年嘅大前鋒鄧肯（Tim Duncan）決定退役，同佢情同父子嘅教練普波域治（Gregg Popovich）講起呢件事都忍唔住眼紅紅！普帥周二就着住一件印有鄧肯個樣同「Impossible is potential（不可能就是潛能）」字句嘅tee出現喺訓練場，同記者講到鄧肯退役，67歲嘅佢就強忍住啲眼淚咁話：「冇人可以取代鄧肯，因為佢對我哋實在太重要。」普帥話自己會力邀鄧肯加入教練團，希望呢位傳奇球星可以換個身份，繼續為馬刺效力！普帥仲話：「雖然我知鄧肯係個低調嘅人，但我唔知自己點解會喺度接受訪問，而佢決定退役就唔使露面。不過，我諗我都係應該要借呢個機會好好講聲再見。」