韓國男星近年俘虜唔少香港少女嘅心，媽媽級都鍾意埋一份，就連內地大媽都追韓星呀。
點解咁講？是咁的，韓國化妝品龍頭AMOREPACIFIC嘅香港市務總監鄭載歡（Jeff），噚日帶傳媒去尖沙嘴海港城嘅新店參觀，嗰度出名多自由行，正當一班攝影記者調較好閃光燈，叫Jeff擺靚pose之際，一班自由行大媽突然出現，企喺舖頭門口，揸部手機對住Jeff係咁影。
其中一位大媽一邊影相一邊問：「這是哪位韓星呀？我要跟他合照呀！」在場人士無不忍俊不已。
不過望真啲，Jeff的確似韓仔咁高大，連個名都有幾分韓味，企喺韓國化妝品店影相，引起誤會都唔奇，需知道韓星有好多款，有G-Dragon，亦有PSY，各有fans啫。