【DSE放榜】
【本報訊】終日埋首書本的優異生不一定討厭政治。今屆文憑試（DSE）多名考獲6科5**的尖子都有留意時政，更直率批評政府。庇理羅士女子中學尖子陳杏妍直言「好難支持」梁振英，又批梁「唔應該留低」，聖若瑟書院新移民考生林浩尊重「勇武」抗爭捍衞本土利益，各人對普教中政策則意見分歧；部份則不願評論政治事件。
記者：葉偉東 蕭洛汶
昨日DSE放榜，《蘋果》詢問各尖子對梁振英連任、普教中及政黨意見。6科考獲5**的陳杏妍提及梁連任時，直言「好難支持」，雖然梁「未必與前任特首曾蔭權相差太遠，但可以有咁嘅能耐令香港人咁憎佢，咁一個唔能夠爭取到大多數市民支持嘅人，係唔應該留低」，陳稱梁的最大問題是一上任就激起民怨，「大家根本唔能夠相信佢，施政唔能夠運行，所以未見到佢管治能力有幾多」，她又指「林鄭唔會係特首人選」。
皇仁書院尖子陳天涵亦認同梁惹來市民的反對聲音，又指「特首作為政府一分子，應該要為香港長遠利益」；聖保羅男女中學尖子葉晉維則明言反對梁連任，「梁振英好似淨係為咗維護政府威信，並唔係為市民」。
「普教中冇必要」
由福建移民到港的聖若瑟書院尖子林浩，提及中港矛盾時指兩地根本上有文化差異，贊同港人應以本身利益為先，「始終嚟香港嘅都係客人，如果客人嘅行為侵略咗主人利益，或唔尊重主人，主人係有權益去捍衞」。林雖不認同部份本土派踢篋等暴力行為，但不應過份譴責，「要思考背後出現原因，再去解決」。港大同學會書院尖子吳睿朗則肯定衝擊有社會作用，「雖然𠵱家唔係必要去衝嘅時間，但都間接提高港人政治意識」。
對於普教中爭議，大埔迦密柏雨中學尖子李家穎表示曾就讀普教小，「我認為普教中暫時冇必要，因大部份學生都講廣東話，我哋好多都係土生土長嘅香港人」，又指普教中爭議大，對學習中文無作用，故毋須強制推行。
聖保羅男女中學尖子梁珈瑋則支持普教中，認為學好普通話十分重要，「講得流利可以方便同大陸嘅朋友溝通」。拔萃女書院兩位狀元張綽倩及姚子晴則認為兩者各有利弊，但認同學習古文時應使用廣東話。
鄉議局元朗區中學尖子郭曉嵐稱不願評論時政，但強調「唔應該用暴力去解決問題」，相信香港仍有言論自由；皇仁書院狀元、打算修讀醫科的黃灝森就直言對所有政治事件無立場，甚至認為「做醫生都唔一定要有立場」。
拔萃女書院尖子黃奕霖則曾以小說《蝶》獲得青年文學獎亞軍，現期望入讀醫科。本年度亦有6名有特殊教育需要考生考獲3科或以上5**，其中皇仁書院的丘鈞銘亦考獲6科5**成績。
【6科5**尖子談政治】
