韋斯咸最近去咗美國集訓，隊長麥克盧保早兩日帶隊去醫院探一位叫祖爾嘅兩歲小球迷（圖）。祖爾一出世心臟就有事，近日情況惡化要住深切治療部，盧保就去為佢加油。不過，韋斯咸友賽嘅表現就唔多好，前日對卡羅萊納鐵路鷹有雲斯頓列特13分鐘先擺烏龍，五分鐘後自己幫球隊扳平；安祖卡路爾及後幫韋咸領先2:1，但下半場俾鐵路鷹追成2:2完場。