【科技籽：出閘搜新】
同8歲外甥女傾偈，悟空、小新佢唔識，但小丸子就睇過。《櫻桃小丸子》由細睇到大，日本電視台仍在播放動畫版，漫畫則於1986年開始連載，今年更踏入30周年！這位永遠的三年級小學生就像老朋友一樣，有時偷懶、有時貪心、有時硬頸、有時又好善良，原來小丸子的原型、作者櫻桃子老師一樣有性格，愛唱Ｋ夾band，但從不公開露面。這次藉着30周年的機會，找來忠心粉絲和櫻桃子老師的朋友分享小丸子各種小秘密。
王友良（Ivan）近年專注動漫代理工作，亦是櫻桃子老師的朋友，兩人每個月都會見面，過年老師會送親筆賀年卡給Ivan，他還透露不少老師鮮為人知的趣事。「老師真人好似小丸子，鍾意山口百惠，又對戀愛話題好有興趣，成日話介紹女仔我識。」難得的是，老師一點也不懶惰，對工作很有熱誠，而且多才多藝。「老師好鍾意音樂，近年組成了二人樂隊Yellow Purple負責填詞，都有啲似小丸子，對鍾意嘅嘢好堅持。」
《櫻桃小丸子》以老師的童年經歷為藍本，丸迷們都關心作品入面有幾多成真，有多少人物真實存在？Ivan和我們分享了現實中的小玉和小玉爸爸的往事。「睇過小玉真人嘅相，好似小玉，小玉爸爸又真係好鍾意影相。小玉爸爸好開心自己喺故事入面出現，佢過身後，小玉同小玉媽媽商量過，就將爸爸嘅相機送咗畀老師，𠵱家老師同小玉仲有聯絡。」至於老師的家人，Ivan都看過相片，還大讚現實中的宏志爸爸，年輕時靚仔有型。網絡有很多傳言，例如賓治的原型濱崎憲孝，曾出過一本名為《我是賓治》的書；還有較少出場的健太同學，官方也證實他是九十年代的足球員長谷川健太，不過健太本人不記得和老師做過同學。
散文較陰暗 大爆爺爺對人差
朋友不便透露，粉絲可能更多料爆。中學時期已用零用錢追小丸子的郭穎愉（Pet）不但收集了大量珍藏品，更喜歡看櫻桃子老師的各類書籍，包括散文集，入面提及不少漫畫沒有描述的生活瑣事。不過小丸子的故事不盡是童話，散文有較多陰暗內容，如大受歡迎的爺爺櫻友藏，在故事中愛吟詩，經常和小丸子鬧着玩，散文卻提及真實的爺爺對家人並不友善，老師甚至說過不喜歡他，故事裏的爺爺可能只是老師心目中的理想形象。故事中亦未交代小丸子雙親的職業，散文中提過他們是經營蔬果店，不過這個職業不特別，而且經常要吃賣剩的菜，老師不太喜歡這間店。老師曾出過繪本、散文等書籍，但近年甚少見中文版，阿Pet為此特意去學日文。
小丸子的幕後趣事
《櫻桃小丸子》資料
作者：櫻桃子（原名：三浦美紀）
漫畫：共16冊單行本
漫畫連載時期：1986-1996年（以後不定期連載）
動畫播放時期：1990-1992年（第一期）、1995年至今（第二期）
紀錄：1989年獲得講談社漫畫賞（少女漫畫部）
1990年動畫創下39.9%收視，至今仍是日本史上最高收視動畫
1991年動漫畫和相關產品帶來的收益達700億日圓
記者：司徒港燊
攝影：林栢鈞
編輯：李寶筠
美術：孔文彬