J.V. Fitness Limited旗下California FITNESS、mYoga、Leap共12間分店全線暫停營業，昨午位於灣仔的California FITNESS分店，同樣拉上鐵閘，店內的各種健身器材依舊，但店外有多位來自其他健身公司的職員在「拉客」，疑似Physical Fitness&Beauty（舒適堡）健身教練「大隻男」，向到達店舖的苦主進行宣傳，積極推銷，更指灣仔分店有即時推廣講座，歡迎市民參加。
舒適堡亦在官方網站發佈消息，指凡持有任何健身瑜伽中心有效會員證可享免費6個月健身。有網民表示，優惠「搵笨」，要先簽約2年才可享免費優惠，平均月費390元，職員稱若不簽約，半年後才入會便要繳付490元月費。亦有網民質疑舒適堡可否客納大量新客，「肯定迫到爆，無機用，沖涼排長龍，惡性循環」。
記者以苦主身份致電位於灣仔分店查詢，職員即表示現在所有California FITNESS會員都可享用「加州苦主優惠」，轉會並簽約2年便額外贈送18個月會藉，平均每月274元即可享用3年會藉，該職員更指優惠只有加州會員獨享。
California FITNESS會員杜小姐指，現階段未有打算另簽其他健身公司，往後就算加入，亦不會簽長約。她在5個月前參加了該分店的3年會藉，接近約9千元，「我上星期都估到會執，但無諗過咁快，噚日先嚟問過，啲職員話唔知，仲話佢哋都無糧出，都係等通知。」
她又指，現階段不知道該如何追討賠償，認為機會渺茫，「好彩唔係參加永久會藉」。但她稱上月中仍有職員向她推銷參加永久會員，批評健身公司是有計劃地勸誘市民簽約，質疑「有計劃地諗緊點樣走佬」。
【網民點睇】
So Wing Yan Crystal：唔敢去囉...一陣sell 到你做唔到運動...
Kenneth Moy：有乜野灰過喺California 比人劏左一次而無運動做，就係為左6個月free trail比P記劏多一次