香港不嬲都有美食之都美譽，掃街已經成為遊客指定動作，充滿香港特色嘅雞蛋仔絕對係必食街頭小食。本月8至10號旅發局去菲律賓宣傳時，仲帶埋呢樣特產衝出香港，結果梗係大受歡迎啦。
做過江龍幫手整雞蛋仔嘅，係米芝蓮推介街頭小食「媽咪雞蛋仔」嘅創辦人Irene同Jacky，以及佢哋尖沙嘴店店主Noelle同Kwong，4人帶齊架生去到馬尼拉Travel Madness Expo，為入場人士即席炮製各款新潮雞蛋仔，三日派咗成2,000份，有唔少人仲係專登入場排隊試食!
旅發局話，上半年喺菲律賓重點推廣家庭旅遊及短暫旅遊，今年1至5月，菲律賓訪港旅客已經達到318,434人次，比去年同期上升14.1%。