小隱隱於林，大隱隱於市，上周坐的士巧遇「智慧司機」。甫上車，密西比跟司機只是閒聊天氣，見到前車「cut」雙白線，司機開始「嚟料」。他說：「XX（粗口），𠵱家越嚟越多人cut雙白線，冇計㗎，全港最高領導人連埋屋企人，都帶頭唔守法，仲要係冇後果嗰隻㖭，叫人守法都冇說服力啦！」
他續說：「之前搞乜嘢全港大抄牌都係廢嘅，大鑼大鼓咁抄完一大輪，啲人咪仲係咁違例泊車，亂咁cut線……大佬呀，做大嘅，居然收人咁多錢都可以冇事，點叫啲細嘅去守法呀！正常人講咗都心虛啦，雖則我知𠵱家特區頂頂嗰批唔係正常人。」
臨近9月立法會選舉，話題轉到投票。司機指9月不會投建制派，一定投「反對派」，不是因為支持泛民，而是要「食飯」。他說：「香港𠵱家呢個亂局，中央要維穩，一定要畀着數香港，但若果係建制派話晒事，就唔會畀得咁順攤，所以一定要有反對派喺度頂頂佢。」
越說越興奮。他說：「唔通建制派成功爭取香港畀錢大搞一帶一路，我去孟加拉揸的士咩？」一個字，「掂」。
密西比