「大家好，我係一條葡萄牙國家隊嘅頸巾，我覺得已經贏在起跑線，因為搵到個好主人，佢就係曼聯領隊摩連奴（圖）。星期日晚，摩佬睇完溫網男單決賽返嚟，就搵咗我陪佢睇電視直播，見證葡萄牙贏法國捧歐國盃。佢不知幾開心，我哋仲一齊自拍㖭！主人好囂咁喺網上話：『如果大家想去見識吓歐洲冠軍嘅風光，就去葡萄牙啦！』」