【本報訊】19歲的張耀鋒比中六同學大兩年，中一從內地移居本港，一切源自一個「騙局」。耀鋒母親當年聲稱帶他到香港旅遊數天，結果抵港後母親卻說：「你以後喺度讀書，唔好掛住大陸嘞。」耀鋒頓感晴天霹靂，「好似乜都冇晒，冇晒朋友同其他親人！」嚎哭數天後，他終接受現實。
耀鋒形容本港學習程度不算難，但內地教英文着重背誦，本港學校則有大量功課，需時適應。
至於中文、數學科，因內地較注重，故他來港後反可考獲佳績。不過他仍感在港讀書壓力大，「壓力係乘10或者100倍咁多」。中二時老師已告知他中六將面對文憑試，「嗰陣唔係好知係乜，但已經諗失敗咗都唔知點算」。
性格外向 想當婚禮顧問
升上高中，耀鋒再不能單靠填鴨式背誦，對通識科吃不消，「資料係海量咁多」，他最終改為先理解資料才背誦，終迎刃而解。來港6年，他已愛上本港學習環境，還參加合唱團和畫畫等課外活動，「原來讀書同娛樂可以平衡，喺內地唔會知可以咁」。在校內考第一的耀鋒，期望成績可入讀浸大傳理學院或港大文學院，其志願卻是婚禮顧問，「我性格比較外向啲」。