大家樂（341）創辦人羅騰祥上星期仙遊，公司即有人事變動。佢63歲女兒羅碧靈，將於今年9月股東大會後，由執董調任為非執董。換言之，羅騰祥兩位子（羅開光）女，今年都雙雙退任為非執董。
羅碧靈早於1982年加入大家樂，1990年開始做執董，基本上負責香港所有業務，𠵱家調任非執董，意味退下火線。咁啱，佢細佬羅開光今年4月亦由執董，調任非執行主席。
同佢哋有堂叔姪關係嘅羅德承，就接替羅開光做首席執行官（CEO），羅德承上月先至首度以新title主持業績會，按照最新調動，大家樂似乎有意畀新一代全面上位掌權。大家樂近期負面新聞一大堆，睇怕羅德承首要改善員工待遇，再諗形象問題。